PROIEKTUAK II: azken ariketa: etxebizitza unifamiliarra + arkitektura estudioa Ondarretan

Azkenean, kurtsoko azken astera ailegatu gara eta urte osoan zehar garatutako gaitasunak betetzen duen ariketa bati aurre egin behar izan diogu: etxebizitza unifamiliar eta arkitektura estudio bat Ondarretan aurkitzen dugun partzela batean. Bere kokapena hauxe da:

Hondartza inguratzen duen paseoaren lehenengo lerroan dago, hiriari nahiko zabalduta.

Proiektu honi haurre egiteko lehenengoz erreferentzia edo influentzia batzuk bilatu behar genituen, eta aurreko post-ean guztiz azalduta dago.

Nire erreferentzia nagusia MORIYAMA HOUSE (Ryue Nishizawa) da, etxebizitzaren gune desberdinak banatzen dituelako eta lorategia haien elkargunea izango da, kanpo eta barne espazioen arteko lotura ezarriz.

Beste alde batetik, espazioen banaketan sartuta, ETXEBIZITZA PARTIKULARRA (Theo Van Doesburg) erreferentzia bezala hartu du non forma geometriko batekin espazio zabalak sortzen ditu hauek forma desberdinez konbinatuz eta itxitura pixkanaka desagertuz.

Honen ondorioz, hurrengo ideograma eta piktograma zehaztu dut: 

Beraz, bi ideia hauek konbinatuta sortu ditut hiru "modulu" (estudioa, eguneko eraikina eta gauekoa) lorategiaren bidez konektatuta daudela, lorategia nire proiektuaren nukleoa bihurtuz:

Oinak:

Altxaerak:

Ebaketak:

Lorategia diseinatzerako orduan, egoteko leku bat lortu behar zela nuen helburu bezala. Horregatik, plataforma batzuen bidez, espazio hauek lortu ditut. Gainera, ikusi ahal denez, bi lorategi sor daitezke; publikoa eta pribatua (familiarena). hauen arteko desberdintasuna nabaritzeko, landareen bidez ibilbideak mugatu ditut. 

Lorabtegiaren garrantziari jarraituz, zehaztuko du eraikinaren orientazioa. Alde batetik hondartzarantz zabaltzen da dituen bista izugarriengatik eta lorategirantz ere, barne eta kanpo konexioa gauzatzeko.

Planoak aztertuz ikusi ahal dugu sarrera edo eraikin nagusian jangela, sukalde (beheko pisuan) eta egongela (lehen pisua) aurkitzen ditugula eta hemen bidez bigarren moduluarekin ezarritako beste konexio bat aukitzen dugu. Hemen 3 logelak (semeak eta gurasoak) aurkitzen dira; eta bigarren hone, altuerekin egindako jolasaren ondorioz, lortu dut garaje bezalako funtzioa betetzea ere.

Azaldutako guztia hobeto ikustarazteko, bi maketen (1/200 eta 1/100 eskalan eginda) hainbat argazki uzten ditut:

Eskala: 1/200




Eskala: 1/100